Saturday, May 23, 2009

Tahan Pukat

Teringat lagi aku semasa kecil dulu, arwah ayahku suka tahan pukat. Kalau tiba saje musim tengkujuh, aktiviti kami ialah tahan pukat dalam sawah padi sebelah rumah kami. Masa tu ayah aku ada 2 utas pukat. 1 pukat jenis satu lapis dan satu lagi jenis 3 lapis. Pukat ni dia upah Pok Wel Gat yang buatkan. Pok Wel Gat ni pakar jahit pukat. Sebut saje jenis apa, dia mesti boleh buat.
Ayah aku pula pakar tahan pukat. Satu ketika, aku pernah ingat yang dia tahan pukat 'atas darat'- maksudnya dia tahan pukat dalam sawah yang kering tanpa air. Tapi keesokannya bila kami pergi angkat pukat, ianya penuh dengan ikan, ada ikan puyu, keli, haruan, sepat malah ular dan belut pun ada. Dapatlah 2 baldi penuh. Nak tahu macam mana dia buat.
Ceritanya gini, petang tu bila dia tengok langit gelap mahu hujan lebat, dia terus tahan pukat. Bila hujan lebat turun, air akan memenuhi sawah sambil membawa berbagai jenis ikan dari sebelah hulu. Apa taknya, memang tersangkut lah ikan tu. Tu le sampai ular pun boleh tersangkut.
Kerja angkat pukat dan buang ikan dari pukat ni adalah kije aku adik beradik. Adik beradik aku yang paling minat angkat pukat ni ialah 'budak lasak' Ayu dan Mimi. Tak caye tanya dia.
Dah terlalu banyak dapat ikan darat, lauk kami musim tengkujuh tu ialah menu ikan darat je lah. Macam-macam menu; gulai ikan darat, keli goreng pedas, pais ikan sepat, sup ikan haruan dan berbagai-bagai lagi. Yang menjadi masalahnya mek dan Kak Long aku tak makan ikan darat sebab ikan darat ni tak kena gaya bau hanyir.
Itulah kisahnya. Terkenangggg aku......

17 comments:

csue said...

meme memori indah tu... ingak ko gemuloh ayoh...

cikmanggis said...

Banyak persamaan..cm ikut ayah tetok iakan tengah sawah,tahan tauk..

Tepi Sungai Batu said...

Gemulah tu adalah cikgu ambo. Tak tahu berapa kali dah ambo royak. Maaf lah Lee....ambo pun teringat juga masa gemulah ngajar ambo dalam darjah 3 di SK Badak. Dia gi sekolah naik motor Honda 'samah'. Sora dia memang kuat.

csue said...

abe, teh kato, dio x ghajin akak pukak... dio kato lh... hihihi...

Lee D'Langkawi said...

Csue,
Ye ke. Kalu buke teh gak, mungkin C.Za le. Abe pun tok ingat. Lamo doh etek.

Lee D'Langkawi said...

CM,
Tetok ike, tehe tauk, nimbo ike tu sayo beso jugok. Mungkin entri lepah ni ado kisoh-kisoh tu.

Mae,
Tu lah ayoh kawe. Muto honda samah tu kawe de jugok naik. Siap ambik gamba lagi.

Lee D'Langkawi said...

Csue,
Ko Teh tok sir ngaku. Malu takut oghe kato dio lasok. hihihi

csue said...

bekali lh abe weh... hihihi...

my little family / kaftanbatik said...

abe: ni tue punyo bade nk buko rahsio..hahaha..(suko dulu) bab akak pukat tu meme khijo ayu & teh la..buke pukat ayoh jah, pukat ore lain pong kami "tolong" akak jgk..muahahaha... tu buleh 2 baldi tuh..haha..

xse story ko pasa igak aye bowoh umoh tu..hok teh keno ambak balik ko aye..? lalala..rukah pokok ase liama nipih, pauh, hahaha

Lee D'Langkawi said...

Hahaha, pah tu bakpo teh tok sir ngaku. Malu ko....

Esok cito nimbo ike pulok...

csue said...

hahaha.... aku oyak dh mnik... dio x ingak kalih... kecik lg keh maso tuh.. hahaha.. hk dio ingak, dio berebuk basikal n baju nge mung.... aku pulok ingak ayoh gi kutip 'begheming', pah mek wak kerabu... sedap nyooo...

csue said...

bab2 ambak aye pulok esp. aye bapok, teh n cza ah jagoh... puah ambak aye, aye pulok ambak depo... kiro maing 'tombeghambak' lh tuh... hahaha.. pah ado jugok budok hk nk keno 'sedok' ko lembu.... hihihi... ingak dok????? sapo tuuuuu???

Lee D'Langkawi said...

Sapo tu eh hok nok keno ambat ko lembu..??? Lariiiii

my little family / kaftanbatik said...

csue..teh jak kecikk dekki benar nge aku. jahak sungguh. mujo laki aku pong dio xberebuk..hahaha..

klu nk tau, dio eksyen nk igak aye etek buke apo sgt, sbb klu sapo leh igak aye tuh, leh make poho aye..haha..alih2..aye pulok hok ambak dio balik.. mugo nk samo tinggi nge aye etek..(lari-lari...hahahaha)

my little family / kaftanbatik said...

pahtu ke...dlm kheto fiat ayoh tu, berebuk nok dok depe klu nk g skoloh. pagi2 gak payoh benna nge dio..haha..
ado skali tuh ke, gaduh sgt nk g kelah sapa tingga beg dale kheto..bocong air jah dio ingat..hahah..alih2 time rehat ayoh keno ata...

hahaha....

my little family / kaftanbatik said...

sapo ekk kn sedok ko lembu? Lan dok? hahaha...aku rs buke aku tuh..hahahaha...

aku pijok paku nge dok atah baro api jah..debbe sggh....

csue said...

mnik, teh ni lebih kughe samo nge peranga mek anis dok... hahaha... tu kuak bbaloh duo tu tuh...